نسبة نجاح هذا المشروع تصل الى 80% وهي نسبه ممتازه
فكرة الربح من عروض بنده كارفور العثيم برأس مال بسيط وكلما زاد كان افضل
لكن تذكر
قليل مستمر خير من كثير منقطع
الفكرة بسيطه وهي انه يكون كل اسبوع فيه عروض في بنده والعثيم وكارفور (اتكلم عن الرياض)
وكثير من الأحيان تكون عروضهم قوية جداً وأقل من سعر الجملة بكثير (على سبيل المثال بامبرز عبوة عملاقة سعر الجملة هذا الاسبوع في بنده كان 57.5 بينما سعر الجملة النعتاد 66 ريال)
زبدة الموضوع نشتري من العروض ونبيع على أصحاب المحلات.
التفاصيل
كل يوم أربعاء تنزل عروض جديدة في العثيم وبنده وكل اسبوعين في كارفور
نمر على الهايبرات وناخذ نشرات العروض الي عندهم
نروح للديرة سوق الجملة مقابل المحكمة الكبرى ونسأل عن اسعار الجملة للعروض الموجودة (العوبثاني تخصص حليب وحفايظ اطفال ومواد غذائية وباوزير متخصص كماليت وايضا هنك الكثير من المحلات) ونقارن.
طبعا علشان يشتري المحل منك لابد يكون فيه ميزه في سعرك علشان كذا لابد يكون سعر بيعك على المحل أقل من سعر الجملة بـ 5% على الأقل.
تحسبها وتطلع مكسبك والبداية لازم تصبر لأن المربح راح يكون قيلل
الفئة المستهدفة: الصيدليات والبقالات
العروض المستهدفة: حفايظ الأطفال وخصوصا بامبرز وبيبي جوي، حليب الأطفال ولو ان العروض عليه نادرة، أدوات التجميل من شامبو وصبغات وكريمات وبلسم ومعاجين وخلافه، المواد الغذائية.
تبدا تمر على الصيدليات بالذات وتعرض بضاعتك ومع الوقت بإذن الله بيكون عندك زباين دائمين وتسوي لك لستة بالعرض وتحط لك فاكس في البيت ويكون عندك ارقام فاكسات الناس الي انت تتعامل معاهم وترسل لهم العروض على الفاكس.
الشغلة محتاجة بس شوي نشاط ومهارة في تكوين العلاقات بالذات مع موظفي الهايبرات حتى تقدر تشتري كمية من العروض.
من خبرتي في الصيدليات لو ينزل عرض مغري على البامبرز بالذات لو تشتري بمليون ريال بدون مبالغة راح تصرفها بإذن الله في أقل من ثلاثة أشهر بحد أقصى.
بالنسبة لراس المال انت وجهدك لكن كل ما كان اكبر افضل لكن في البداية لا يمنع ان تبدأ براس مال قليل على سبيل المثال لو اشتريت بامبرز من بنده بـ 5000 ريال وكان سعر العرض 58 ريال وعرضتها على الصيدليات بـ 63 ريال وهو سعر ممتاز جداً يكون مكسبك تقريباً 430 ريال... واذا مشت معاك الشغلة زيد راسمالك.
حقوق الموقع
الوصول السريع
مشروع ناجح برأس مال بسيط
العرض العادي
تحويل العملات