مصر مشروع صناعة الاكسسوارات

[الاعلانية]

السلام عليكم ورحمة الله وبركاته

دورتنا انهارده بنات كتيره جدااااااا هاتحبها

الاكسسوارات

ازاى تصنعى الاكسسوارات
ايه الادوات المطلوبه
اماكن الشراء
الاسعار

تابعونى دائما

الدوره بالكامل مجمعه ومنقوله من عدة مواقع

الأدوات و الخامات المستخدمة



1-الأدوات:





دي اللي بنلف بيها المسمار.. ب15ج












أهم أداتين هنستخدمهم الزرادية العادية و الزرادية ذات الرأس المدور..الأولى علشان نفتح و نقفل بيها السلاسل و الزرد..و التانية علشان ندور بيها المسامير(كل دة هنفهمه أكتر الدرس اللي جاي ان شاء الله)دول موجودين عند محلات الخرز..أو أى محل عدد,,أهم أداة الزرادية ذات الرأس المدور..أهم من الزرادية العادية

==============================================



2-الخامات:








استك

الأستيك فيستخدم في عمل الغوايش..و البكرة دي ب5.50ج لأنها ملونة..





عندنا المسامير..




و الزرد..




و دي يعني حلقات الربط..و المسامير بتيجي في مقاسين..طويل و قصير..و كذا لون..الفضي و النحاسي و الذهبي..بس أنا بفضل الفضي لأنه بيمشي مع كل حاجة..كمان المقاس الطويل لأنك ممكن تستخدميه مع كل أحجام الأحجار..أما الزرد فبيجي في كذا مقاس برضه..دة الصغير منه..و فيه وسط و كبير..و برضه بيجي في نفس ألوان المسامير..أنا بفضل الصغير لأن شكله بيكون أشيك في الشغل..و دول ال5جم بجنيه



السلاسل











سلسله صغيره



..عندنا كذا حجم..الصغير و الوسط و الكبير..للأسف الموجود عندي الصغير و الوسط..و دول المتر ب3ج..أما الأكبرشوية فمنه المتر ب4ج..والأكبر أوي ب7ج..و الأسعار دي في محل زرارة بالأسكندرية..و موجود في المنشية..و له فرع في القاهرة برضه





أما عن الخرز و الأحجار فالخيارات كتير..





البني المربع الكبير الواحدة ب20قرش..










الحجر الطويل البيج منه كل الألوان و دي الواحدة بجنيه..








و الألماظة الزيتي الطويلة برضه بتيجي كل الألوان و الواحدة بجنيه..



]



أما الحجر الكحلي فدي الواحدة ب20قرش هي و الموف




خرز كحلى




اللولي الأبيض





الفرع من الحجم دة ب5ج..و الوسط ب8ج....و الأكبر ب10ج












..أما كل الخرز الصغير القلوب و الأشكال البحرية و الألماظ و باقي الصغير..فكل دة ال5جم بجنيه




قلوووب





مربع بنى صغير





..أما الصدف فدة طبيعي..و برضه ال5جم بجنيه..لكن لأنه تقيل و بيوزن هتجيبوا منه كتير..يعني الشوية دول ب5ج..و أخدت منهم في شغل ميداليات الموبايل و سلسلتين مفاتيح..







الأقفال رخيصة..الواحد ب00.50ق بس








..و ميداليات الموبايل بالجملة ال100بيعملوا25ج..







دول ميداليات الموبايل..الأسود جاهز....و الفضي بالمتر..لكن الجاهز أفضل..بيكون فيه قفل



العملات




دي ممكن نستخدمها في الأنسيالات..بيكون شكلها حلو أوي..وسعرها كويس





اشكال اخرى









بنى








خرز شفاف زيتى







]
خرز على شكل ورده



==============================================





أتمنى أكون قدرت أفيدكم..و لحد هنا انتهى الدرس الأول..الدرس التاني ان شاء الله هنشتغل فيه أنسيال بسيط من الأصداف..و ممكن نستبدل الصدف بالألماظ الصغير أو أى خرز مناسب يعجبك

الدرس الثانى





أولا:الخامات المستخدمة:



-سلسلة بطول18سم(هذا المقاس سنستخدمه دائما لأى موديل أنسيالات)

-سلسلة أخرى أقصر..حوالي15حلقة للإطالة.

-زرد.

-مسامير(لابد أن تكون برأس)

-قفل.

-زرادية عادية.

-الزرادية ذات الرأس المدور.

-أصداف..أو أى نوع خرز صغير مرغوب..أو ممكن حتى بواقي خرز ملون.




=========================================

ثانيا:الطريقة:



-نشبك أولا السلسلة القصيرة بالطويلة بواسطة زردة..و هذه الزردة ستكون الجزء الثاني من القفل.

-بعد ذلك..نشبك القفل.





-نضع المسمار في الصدفة..و نجعل الجزء الملون من أسفل لأنه هو الذي سيظهر..و نقص باقي المسمار..نترك فقط جزء يمكن برمه..و نحتفظ بالجزء المقصوص..يمكن استخدامه في موديلات أخرى..لهذا قلت المسمار الطويل أفضل.













-نأتي للجزء الصعب..نبرم المسمار..بواسطة الزرادية ذات الرأس المدور.














-نكمل على هذا المنوال إلى نهاية السلسلة.

-أحب دائما وضع خرزة من نفس ما أشتغل به في نهاية سلسلة التطويل..ليجعل شكل المنتج حلو.











-أخر خطوة هي أهم خطوة..و هي تحديد سعر المنتج..و هنا ستتعملن معي كيفية حساب المنتج..

================================================== ========





ثالثا:حساب سعر المنتج:



-نحسب الخامات..هنا استخدمت الأصداف..و لأنها غالية..فأحسب الواحدة ب5قروش.

---الصدف...00.05*عدد الصدف المستخدم.

-ثم نحسب سعر السلسلة..متر هذه السلسلة ب3ج..و نحن استخدمنا حوالي1/4متر..ب00.75قرش.

-القفل..00.50قرش.

-الزرد..1ج.

المسامير..1ج.

-بعد حساب الخامات نضيف حساب المجهود..و هذا حوالي1للأنسيال و 2ج للسلسلة.

-أخيرا الربح الصافي و هو2ج للكل.

-في النهاية نقوم بجمع كل هذا لينتج سعر القطعة..فلا نخسر في الخامات..و في نفس الوقت نكسب ربح صافي.

-ملحوظة مهمة..هذه الطريقة سائرة على كل الموديلات..لذلك لن أعيدها.

================================================== ============

الدرس القادم باذن الله..أنسيال أخر بطريقة أخرى..سهلة جدا


الدرس الثالث



الخامات:



-4أحجار كحلي.

-6لوليات فضي.

-8عملات فضي.

-قفل.

-سلسلة بطول15حلقة.

-مسامير(باقي مسامير أنسيال الصدف).

-زرد.

-زرادية عادية.

-زرادية ذات الرأس المدور.





========================



الطريقة:



-نضع المسمار في أول لولية..و نبرم من كلا الجهتين..كل جهة عكس الأخرى.









-نشبك القفل في أول لولية.








-نضع مسمارا أخر في أول حجرة كحلي..ثم نبرم من الناحيتين..كما فعلنا مع اللولية.



-نشبك اللولية في الحجرة..من الجهة الصغيرة .













-ثم نضع مسمارا آخر في لولية أخرى..و نبرم من كلا الناحيتين..ثم نشبكها في الحجرة.






-نكمل مع حجرة جديدة..و نشبكها مع اللولية من الجهة الكبيرة.

-نكمل حتى نتهي من كل اللولي و الأحجار..و نضع الأحجار بالتبادل..حتى تكون كل جهة مقابلة لأختها..الجهة الصغيرة إلى الجهة الصغيرة..و الكبيرة إلى الكبيرة.





-نشبك السلسلة في آخر لولية.






-ممكن ينتهي الأنسيال هكذا..و لكن سنضيف له العملات ليكون شكله أحلى.






-نضع زردة في عملة..ثم نشبكها فب الزردة التي تشبك أول لولية و أول حجرة.




-نكمل حتى تنتهي كل العملات..يجب أن تراعي أن تكون كل العملات على نفس الجهة من الأنسيال.





-نضع لولية في نهاية سلسلة التطويل..و هكذا نكون انتهينا من هذا الأنسيال الرقيق.







الدرس الرابع

المرة اللي فاتت عملنا الأنسيال..المرة دي هنعمل السلسلة..بطريقة سهلة جدا..تابعوا معايا

الخامات:

-2سلسلة بطول50حلقة.
-8سلاسل بطول5حلقات.
-18لولية فضي.
-9أحجار كحلي.
-مسامير.
-زرد.
-قفل.
زرادية عادية.
-زرادية ذات الرأس المدور.


==================
الطريقة:

-نشبك القفل في سلسلة طويلة..و زردة في السلسلة الطويلة الأخرى.


-نشبك أول حجرة في مسمار و نبرم من الناحيتين..كل واحدة عكس الأخرى.


-نشبك لوليتين فضي بنفس الطريقة.



-نشبك اللولي و الحجرة..على أن تكون الحجرة في المنتصف.


-نشبك السلسلة الطويلة من جهة..و سلسلة قصيرة من الجهة الأخرى.


-نكرر الخطوة الرابعة مرة أخرى..ثم نشبكها مع الخطوة السابقة..و من الجهة الأخرى سلسلة قصيرة.

-نكمل على هذا المنوال حتى تنتهي الأحجار و السلاسل القصيرة.

-نشبك عملنا مع السلسة الطويلة الأخرى..و بهذا نكون انتهينا من هذه السلسلة البسيطة.

اماكن بيع الخامات والادوات فى مصر

القاهره
العتبة من عند شارع الجيش فيه حاره هناك اسمها حاره المزين وفيها الاف المحلات وفيه شارع من بره موجود فيه كل الزراديات والحاجات اللي انتو عاوزينها

السويس
عم محمود..الشارع اللي على ناصيته محل قصر الديكور..امشي فيه لحد ما توصلي لشارع على ناصيته اللي على شمالك محل أدوات منزلية اسمه الحلواني..امشي شوية كمان..هو على الشمال

اسكندرية
محلات زرارة..المنشية..ادخلي من بوابة الأوقاف..هتلاقي المحل على الشمال
و في محل ليهم في زنقة الستات
و كمان محل في سابا باشا..لكن أسعاره غالية شوية..علشان المكان يعني
و أسمع ان ليهم في القاهرة..لكن ما أعرفش فين بالظبط

فى اسكندرية ممكن نجيب الخرز و كل مستلزمات الاكسسوارت من مكان اكيد كلكم سمعتو عنة و هو زنقة الستات و هى فى المنشية



الى بنوته تعرف معلومه جديده
او اى مكان
تقدر تفيدنا بالمعلومه

جزاكن الله خيرا