دار المدفعية
دى 26 شارع الثورة الماظة مصر الجديدة
ودى دار غالية جداا فيها قاعة الملكة بس ايجارها 5 الاف جنيه
وبتاخد من 350 فرد لغاية الف فرد
وفيها قاعتين تانيين حورس بتاخد من 200 الى 550 فرد وايجارها بس
3500
والقاعة التانية النيل من 150 الى 350 فرد وايجارها 2200 جنيه
دار المشاة
ودى فى حدائق القبة
عموما لما بتتصلى باى قاعة بيرد عليكى مسئول الحفلات والافراح
وبيسئلك الاول انتى عايزة لى كام فرد
وانا بدور على 200 فرد فقلى اية
فى قاعتين ياخدوا 200
التامين 2000 جنيه والايجار 1500
ولما تيجى تحجزى بتحجزى بالتامين مش الايجار
دار الدفاع الجوى
خطيبى كان شاف معلومات عنها ع النت واسعار رخيصة جدااا
وانا اقوله دى اسعار قديمة ده اغلى من كده
المهم صمم نتصل
تعالى شوفوا الكومدييا
برضه المسئول رد وسئلنى نفس الاسئلة
قلى يافندم عندنا 3 قاعات
الاولى لما تحسبى التوتال كله على اقل حاجة يعمل 26 الف
والتانية لما تحسبى برضه التوتال ع الاقل يعمل 29 الف
والتالتة لما تحسبى التوتال ع الاقل يعمل 31 الف
دار الاشارة
فى 4 قاعات
الفيروز من 160 فرد الى 250 فرد ايجارها 1700
المنارة 120 الى 200 فرد وايجارها 1600
الجوهرة من 100 الى 160 فرد وايجارها 1000
الطاووس من 100 الى 160 فرد وايجارها 1000
هى كأسعار معقولة مقارنة باللى فاتوا
الفرح يعمل من 12 الف الى 17 الف
12 الف ده لو حسبتى توتال اقل حاجة وال 17 الف لو حسبتى ع المتوسط
وطبعا يزيد على حسب اختياراتك
دار حرس الحدود اللى فى الزمالك
فى قاعتين الملكة والفرعونية
انا كنت اعرف من سنتين ان الفرح هناك يعمل من 8 او 9 الاف
بس اتضح ان السنة دى يعمل من 12 الف لو توتال اقل حاجة